Cientificonan ta duna un paso pa creacion di un “cerebro cuantico” cu por cambia computernan completamente

Cientificonan ta bisa cu nan a duna un paso importante pa creacion di un “cerebro cuantico”, un computer cu por funciona y cambia manera e cerebro di un ser humano.

E investigadonan tin hopi tempo buscando pq crea un material inteligente cu por siña cambia fisicamente di su mes, manera cu nos cerebro tambe ta haci. Tal descubrimento por habri un generacion di computer completamente nobo.

Awo e investigadonan por a hinca den otro un red di atomonan individual, cu hunto ta capaz di crea patronchinan y conecta di un manera similar na e comportamento di e neuronanan y e sinapsis den nos cerebro, segun nan a informa den revista Nature Nanotechnology.

E investigacion nobo ta busca den parti aborda e hecho cu na medida cu e demanda ta crece pa capacidad informatico na henter mundo, ta aumenta e necesidad di mas centronan di dato, na medida cu e centronan di dato ta crece, tambe ta haci cu e energia necesario pa e alimenta nan ta aumenta, loke por haci nan insostenibel.

“Ta claro cu nos tin cu haya e strategianan nobo pa almacena y procesa e informacion di un manera energetico eficiente” a bisa Alexander Khajetoorians, profesor di microscopia di scanning probe microscopy na Universidad di Radboud y lider di e proyecto.

E inteligencia artificial ta funciona reconociendo patronchinan na mundo pa por detecta y siña di loke por wak. Actualmente, esaki ta haci cu a traves di un software di aprendisahe automatico cu ta transferi bo informacion na un disco duro di un computer.

“Te cu awo, e tecnologia aki, cu ta basa riba un paradigma cetenario, a funciona suficientemente. Sinembargo, na final, e ta un proceso cu ta consumi hopi energia” segun Bert Kappen, profesor di rednan neuronal di inteligencia di mashin na Universidad di Radboud.

A diferencia, e investigadonan ta spera di crea un sistema cu ta haci esaki e uso di hardware, na luga di software. Pa haci esaki, nan por a construi un red di atomo di cobalto, coloca riba e phosphorus preto, nan por a crea un material cu ta capaz di almacena y procesa informacion di manera similar na un cerebro y como un cerebro, e ta capaz di adapta.

E investigadonan ya a demostra cu e ta posibel almacena informacion den un atomo di cobalto. Nan a descubri cu e tabata posibel “dispara” un atomo asina cu a aplica voltahe, di manera similar na un neurona individual den e cerebro.

Den e investigacion nobo, nan ta descubri cu por uni nan pa forma un conhunto. Ora nan a haci’e funciona di manera similar na un cerebro, similar na un sistema artificialmente inteligente.

Tambe nan a haya cu e sinapsis tabata cambia segun loke nan tabata experimenta. “Na momento di stimula e material durante un periodo di tempo mas largo cu un cierto voltahe, nos a keda sorprendi hopi na mira cu e sinapsis realmente a cambia. E material a adapta su reaccion den un base di e estimulonan externo cu a ricibi, nan a siña di nan mes” profesor Khajetoorians a bisa.