Tur medida aplicabel lo keda extendi te dia 22 di februari proximo, segun prome minister Eugene Rhuggenaath a anuncia ayera.
Lo reevalua e medidanan dia 14 di februari. 101 persona a haci test ayera, y no a registra ningun caso positivo nobo. Sinembargo, a declara seis persona liber di Covid-19, pa loke e cantidad di caso activo awo a cay na 92. Dos pashent di coronavirus ta permanece den hospital.
E prome minister a indica cu e infeccionnan nobo cu e variante Britanico a ser detecta na Aruba mita di januari. E variante Brasileño tambe ta den aumento. “Como gobierno, nos mester pues ta extra-vigilante. Despues di e evaluacion siman pasa, a tuma e decision pa mantene tur medida te cu dia 22 di februari.”
Epidemiologo Dr. Izzy Gerstenbluth a anuncia na e conferencia di prensa anterior cu a manda test na e Instituto Hulandes pa Salubridad Publico y Medio Ambiente (RIVM) pa mira si e variante Britanico ta presente na Corsou.
Rhuggenaath ta destaca cu Corsou mester ta extra-cauteloso pa asina infeccionnan nobo no pone presion adicional riba sistema di cuido medico.
