Un mayoria di consejal na Amsterdam lo vota na fabor di cambionan pa radicalmente cambia e centro historico, incluyendo move e bentananan di e Red Light District na un ‘centro erotico’ pafo di De Wallen.

Den un reunion di conseho online diahuebs, tabatin sosten amplio pa un overhaul di e centro pa reduci e atraccion di sex y droga, y atrae turismo di ‘miho calidad’.

Alcalde di Amsterdam, Femke Halsema, a trece dilanti tres set di propuesta pa reduci e turismo excesivo di droga y haci e centro un miho luga pa hende local biba. Tin mas cu 80 medida individual den un plan di ‘interior di ciudad’, un propuesta pa move prostitucion for di Red Light District na un Centro Erotico construi cu e proposito ey na otro luga, y un cantidad di medida pa reduci e cantidad di coffeeshops y haci nan mas manehabel. E ultimo medida aki, cu lo nifica enforsa un politica di solamente pa local y prohibi turista, ta esun mas controversial y tin e mayor oposicion di consejalnan, maske e ta dentro di e poder di e alcalde.

Durante e debate, Halsema a priminti mas investigacion riba si prohibicion di turista stranhero lo aumenta – of posiblemente reduci – benta di droga riba caya.

A pesar di preocupacion di consejalnan tocante si ta duna suficiente voz na e trahadonan sexual den e debate, tin un mayoria den e conseho pa cera algun bentana di prostitucion na De Wallen y habri un Centro Erotico na otro luga. E pregunta ta na unda, maske un referendum entre residentenan local proponi pa Don Ceder di e ChristenUnie ta mustra improbabel.

E alcalde a bisa cu tin tres meta: mehora derechonan di trahadonan sexual y reduci traficacion di hende; combati criminalidad den centro antiguo di e ciudad; y reduci e nivel di molester pa residente y negoshinan. Sinembargo, concejalnan manera Daan Wijnants di VVD a bisa cu nan preferencia ta pa construi e Centro Erotico den un area di construccion nobo, pasobra cualkier sitio actual probablemente lo experiencia un reaccion ‘nimby’ – ‘not in my back yard’.

Centro di ciudad mas positivo
 Sinembargo tabatin sosten amplio pa un set di medida pa stimula negoshinan local cu lo contribui na un centro di ciudad mas positivo. Dennis Boutkan di PvdA a bisa cu lo reduci bentana den Red Light District, y inverti den un tipo di comerciante diferente pa atrae un tipo di turista diferente. “Nos kier bishitante, pero no a cualkier costo.”