E cantante di 30 aña di edad ta bay pone $7 miyon di su propio placa den e show di e aña aki, segun Billboard.
Esaki ta yega despues cu Pepsi, cu ta patrocina e show di halftime, a anuncia cu ta join otro compania den reduci nan comercial di Super Bowl 2021. E compania a bisa cu lo enfoca riba su halftime show cu e artista.
E show di Shakira y Jennifer Lopez aña pasa a atrae alrededor di 102 miyon persona den audiencia. Pero cu mas fanatico forsa pa keda cas e aña aki – y probablemente pega na TV – The Weeknd a bisa cu e ta spera di haci su show un ‘experiencia cinematico’.
El a pone su propio placa den e show pa ‘haci e halftime show loke el a imagina’, segun su manager, Wassim Sal Slaibi.
E cantante no a revela riba kico precies lo gasta placa, ni e set list cu e lo presenta. Sinembargo, un teaser pa e show ta mustra un montahe di fanaticonan disfrutando ‘Blinding Lights’, incluyendo un trahado den supermercado y un limpiado di piscina bailando na su cantica.
Ayera Billboard a reporta cu e show lo ta dobel mas largo. Sinembargo, representantenan di e cantante a bisa e Post cu esey no tabata corecto, y cu e lo duna un presentacion di duracion usual, alrededor di 13 minuut.
Tipicamente, e halftime show, balora na alrededor di $13 miyon, ta rekeri varios luna di planeamento. E show di e aña aki ta bin cu e complicacion adicional di pandemia, cu a reduci e tamaño di e audiencia cu alrededor di un tercer parti.
