Venezuela ta aumenta su percepcion como pais corupto, mientras su calificacion ta descende riba e Indice di Percepcion di Corupcion (IPC), registrando na 2020, aña marca pa e pandemia mundial di Covid-19, apenas 15 punto riba un escala di 100.
Den e evaluacion anterior, e pais a obtene un puntuacion di 16. Desde 2012, e nacion Sur Americano ta cay den e posicionnan y a pasa di puesto 165 na 176, pa ubica su mes entre e cinco pais cu pio prestacion, y e di tres calificacion mas abao. Ademas, Venezuela ta percibi como e pais mas corupto di continente Americano.
E edicion 2020 di IPC, difundi ayera pa Transparencia Internacional, ta clasifica 180 pais y teritorio pa nan nivel percibi di corupcion den sector publico, basa riba 13 evaluacion y encuesta cu experto y empresarionan. Ta usa un escala di cero (corupcion eleva) na cien (corupcion inexistente). Dinamarca y New Zealand ta encabesa e indice e aña aki, cu 88 punto. Mientras Siria, Somalia y Sur Sudan ta na final cu 14, 12 y 12 punto respectivamente.
