Autoridadnan Ucraniano a bisa ayera cu nan a descubri un grupo di hacker cu a horta data di banconan na Merca y varios pais Europeo, causando alrededor di $2.5 miyon di daño.
Oficina di Procurador General a bisa cu e hackernan tabata basa na Kharkiv, e di dos ciudad mas grandi di Ucrania.
A bisa den un declaracion cu e hackernan a horta password y data di pago di banconan estatal y priva na Merca, Hulanda, Austria, Alemania, Reino Uni, Suisa y Lithuania. No a duna nomber di e banconan ni a duna mas detaye, incluyendo si a haci algun aresto.
Autoridadnan Ucraniano a coopera cu polis Mericano y Interpol. No ta conoci si e accion aki ta vincula cu desmantelacion di e red Emotet.
