Awe diamars 26 di januari ta celebra Dia Internacional di Douane, cu lo ser dedica na e “esfuerzonan conhunto di Douane rond mundo pa sali di e crisis di Covid-19, apoyando hende y negoshi fortificando e cadena di suministro global, reforzando colaboracion, protegiendo tecnologia y poniendo “hende” central den e proceso di transformacion, cu e slogan “Douane fortificando Recuperacion, Renobacion y Resiliencia pa un cadena di suministro sostenible”.
Esaki ta loke Organisacion Mundial di Douane (World Customs Organization) ta propone riba nan website pa e celebracion di e aña aki. E organisacion ta boga pa interes di personal di Douane rond mundo, cu ta envolvi den garantiza seguridad pa nan distinto pais y ta enfoca especialmente riba condicion y retonan cu empleadonan di Douane ta topa den nan trabao.
Organisacion Mundial di Douane a ser funda dia 26 di januari 1952 na Bruselas, Belgica, y tin su sede principal na e ciudada aki. E organisacion ta conta cu 183 organisacion miembro y tin Kunio Mikuriya (Hapon) como presidente desde 2009.
Na hopi pais tin celebracion di Dia Internacional di Douane cu ta varia entre celebracion pa honra empleado sobresaliente, workshop, conferencia y charla cu ta enfoca riba e tema di aña y e desafionan cu e entidadnan miembro ta encontra, sigur den e aña aki pa e situacion crea pa e pandemia di coronavirus.
Un pabien na tur Duanero na Aruba riba nan Dia.
