Si bo ta preocupa pa salud di bo vision, e ta probabel cu nan lo a bisa bo pa pone bo dispositivonan riba dark mode pa protege bo wowonan. Pero e ta posibel cu cambia e modo scur, no lo yuda asina hopi.

Kico ta Dark Mode?

E modo scur ta permiti bo cambia e fondo generalmente blanco of di color cla den bo dispositivonan pa e ta mas scur, generalmente preto. E fondo lo ta scur y e texto lo ta cla, opuesto manera esun normal.

Pa pone bo dispositivonan den modo scur, bay na configuracion di bo dispositivo unda bo ta haya e configuracion di pantaya y briyo, eynan ta unda bo por cambio e modo scur. Algun di e aplicacionnan tambe tin su propio modo scur, cu por wordo haya d en e propio configuracion di e aplicacion.

E modo scur ta miho pa bo wowonan?

Aunke por sinti cu e modo scur por ta un poco mas agradabel pa bo wowonan, e ta poco probabel cu lo preveni sintomanan di fatiga visual manera dolornan di cabes y wowonan seco.

“E modo scur lo reduci e luz blauw cu ta wordo omiti desde e pantaya di e dispositivo electronico, pero probablemente no den un grado cu ta influi den cualkier efecto dañino di e luz blauw den e maculo” ta bisa Brian M. DeBroff, MD, director di cirugia di implante di cataratanan y brilnan intraocularnan den e Yale Medicine Ophthalmology.

E maculo ta wordo haya den e centro di e retina y e ta crucial pa un bista saludabel. E degeneracion macular relaciona cu e edad ta un di e causanan mas comun di perdida di vision.

E beneficionan di e modo scur

Si ta bon e modo scur por no yuda protege e vision, e por yuda bo concilia e soño mas lihe si bo ta uza cu frecuencia e dispositivonan electronico prome di bay drumi.

E uzo di dispositivonan cu ta omiti e luz blauw anochi por aumenta bo estado di alerta, loke ta dificulta concilia e soño. Dado na cu e modo scur tin como obhetivo reduci e luz blauw, e por ta specialmente beneficioso anochi.

Esaki ta debe na cu e ta kere cu e luz blauw suprimi melatonina, un hormona cu ta yuda bo drumi. Un estudio chikito di 2012 por ehempel, a haya cu e luz blauw a suprimi e melatonina durante e tempo dobel cu e luz berde. Sin embargo, mester ainda mas investigacionnan y estudionan na mayor di escala pa solidifica e afirmacion aki.

Aunke no tin mucho otro beneficionan pa e salud respalda door di ciencia di modo scur, tambe por

E ta yuda bo spaar e bateria di bo cel

Reduci e resplando di e pantaya

Facilita e ahuste di e pantaya ora ta wak e dispositivonan den un camber scur

Pa hiba manera informacion privilegia

E modo scur por ta un preferencia personal pa algun, pero e no ta necesariamente miho pa nos wowonan

Tampoco ta un sustituto di miho metodonan pa reduci e fatiga visual, ta bisa DeBroff. Pa preveni y trata e fatiga visual ta recomenda :

Laga bo wowonan descansa di e pantaya cada 20 minuut

Ahusta e tamaño di e texto den bo pantaya pa e ta mas facil bo lesa

Uza brilnan adecua pa bo bista

Uza gotanan di wowo artificial pa preveni e sekedad