Yudando pa hasi di Aruba e pais mas sigur na mundo, e Ministerio di Boluntario di Freewinds awor ta dunando seminario riba con ta proteha bo mes di Covid 19.
Hopi a wordo bisa di e trabou cu e Ministerio di Boluntario ta haciendo dor di desinfecta rond di Aruba, pero tin otro banda di proteccion cu ta mes importante., y esey ta e miho manera pa mantene siguridad y keda sano dor di prevencion. Esaki ta wordo haci pa medio di educacion.
E seminarionan di prevencion ta wordo duna na diferente luga, incluyendo post kantoor na Oranjestad y na San Nicolas. Desde cu e pandemia a cuminsa repentinamente a wordo avisa pa laba bo man,mantene distancia social,bisti bo macakeria y mas. Pero tin mas na e punto nan aki cu na primera bista. Tin un manera exacto pa laba bo mannan, mantene distancia social, pa nan ta efectivo.
E puntonan aki y un docena mas di puntonan exacto, ora nan wordo sigui exactamente, ta yuda mantene abo y otronan sano y salvo di Covid-19. Y esaki ta exactamente e informacion cu e Ministerio di Boluntario ta distribuyendo dentro di e comunidad Arubano pasobra nan kier sigura cu e isla keda habri pa turista bin.
E seminario presenta pa e MdB. no tawata solamente informativo, pero participacion y ehercicio practico di manera cu e participantenan por comprende facilmente cada punto y haci e informacion di nan mes.
Hopi pregunta a wordo haci y situacionnan practico di bida a wordo treci cu e staf a pidi ayudo cu nan.
Dor di provee informacion completo y corecto hunto cu ehercicio practico tur e participante por a experiencia con importante prevencion ta y nan a haya e contesta cu nan tabata busca.
Awor, arma cu e informacion akinan por pas’e pa otro y asina forma parti di e crusada pa combati Covid-19.
Post Aruba tabata hopi agradecido cu nan a ricibi e seminario. Un staf a comenta:” Hopi danki p a yuda asina hopi biaha. Tur ora cu nos a pidi boso pa ayudo boso a yega y desinfecta e edificio. Awor boso ta duna e seminario aki tambe. Masha danki!”
Maske desinfeccion ta vital pa preveni Covid-19 no por keda sin pone enfasis cu sigui e proceduranan y protocolnan manera debe ser ta un combinacion perfecto pa supera Covid-19.
E Ministerio di Boluntario di Freewinds lo sigui yuda den tur luga na Aruba. No ta importa cu ta hotel,scol, misa, oficina, luganan di deporte y recreacion y cualkier caminda cu hende ta aglomera.
Desinfeccion hunto cu educacion con pa preveni ta e combinacion perfecto pa haci Aruba e luga mas sigur na mundo. Un luga caminda bishitantenan lo kier bin pa disfruta di e clima,nos beachnan y e hendenan amical di Aruba.
Pa haci e informacion di prevencion obtenibel generalmente, e misa di Sciensologia a crea mas di diesdos video y tres pamfleta educacional: How to Keep Yourself & Others Well,How to Protect Yourself and Others with Masks and Gloves, y How to prevent the spread of Illness with Isolation. Esakinan ta obtenibel na Hulandes, Ingles y Spaño y 18 idioma mas na e How to Stay Well Resource Center na www.scientology.org/staywell
