Prins William ta animando tur e Britaniconan pa sigui e ehempel di e Reina y prins Felipe na ricibi e vacuna contra coronavirus.
Riba un video yamada cu e personal di e boluntarionan di NHS diasabra, The Duke of champbridge a bisa “ Mi welonan a vacuna y mi ta hopi orguyoso di nan pa haci esaki. E ta realmente importante pa tur haya e vacuna ora nan wordo indica”.
Siman pasa, e Reina, di 94 aña, a revela cu e y prins Felipe, di 99 aña, a ricibi e vacuna den e Castillo di Windsor, unda nan ta pas’e hunto cera.
E palacio, cu straño un biaha a comenta tocante problemanan di salud priva relaciona cu famianan real, tambe a bisa cu e vacunanan tabata administra door di un medico di e cas real.
Si ta compronde cu e Reina tabata kier anuncia publicamente cu e y Prins Felipe a ser vacuna contra e virus pa evita speculacionnan y desinformacion.
Sin embargo, e autoridadnan a bisa cu ainda nan ta luchando contra temornan poco sustancial contra e vacuna.
Dra. Nikki Kanani, medico di cabes na Londres y directora medico di atencion primario pa NHS England y NHS improvement, a bisa Prins William : “Nos tin duda tocante e vacuna den algun di e gruponan”.
“E ta realmente importante dentra den comunidadnan, comunidadnan eticamente diverso y comunidadnan mas desaforabel pa bisa ‘esaki ta bo vacuna tambe’ e ta pa tur hende. Obtene e aceptacion ey ta realmente importante”.
E lansamento di e vacuna, cu ta esun mas grandi den e historia Britanico, a administra te cu awo mas di 3 miyon di dosis di vacunanan den tur e Reino Uni na esunnan mas vulnerabel y ken ta cuida nan.
Como parti di iniciativa, a ser estableci 100 di centronan di vacunacion y centronan hospitalario den tur e Reino Uni.
