E empresanan petrolero Total (Franci) y Apache Corporation (Merca) a logra un hallazgo nobo importante den bloque 58, den e seccion Keskesi East-1, dilanto costa di Suriname. Esaki despues cu ya caba a haya petroleo den e partinan Maka Central, Sapakara West y Kwaskwasi di e mesun bloque. E empresanan a anuncia esey siman pasa diahuebs.
“Nos ta contento di por anuncia e descubrimento nobo aki, cu ta confirma cu nos promer campaña di reconocimento ta un exito grandi y ta contribui na e fuentenan comproba,” segun Kevin McLachlan, Senior Vice President di Exploracion di Total cu desde 1 di januari 2921 tin un interes di 50% den Bloque 58.
“Nos ta contento tambe, como explotador nobo di e bloque, di por inicia e operacionnan di evaluacion cu ta diseña pa caracterisa e descubrimentonan di 2020, mientras simultaneamente nos ta inicia un segundo campaña pa e bloque productivo aki pa 2021,” segun McLachlan.
E pos a ser perfora na un profundidad di awa di 725 metro. En Total a topa cu 63 metro netto di hidrocarburo, consistiendo di 58 metro di crudo preto, petroleo liviano y gas. Ta sigui perforacion tambe na mayor profundidad, segun un recado di prensa di e companianan. perforacion tambe na mayor profundidad, segun un recado di prensa di e companianan.
Luna pasa e empresa petrolero Exxon y su socio di Malasia Petronas a bisa cu nan a descubri petroleo y gas dilanti costa di Suriname tambe. Esaki despues di numeroso descubrimento dilanti costa di pais bisiña Guyana den ultimo añanan.
“Nos promer descubrimento na Surinam ta amplia e posicion di liderazgo di ExxonMobil na Suramerica, probechando nos inversionnan exitoso na Guyana”, Mike Cousins, Senior Vice President di exploracion y empresa nobo di ExxonMobil, a declara.
