Jeffrey Schuilenburg: Dicon Aruba no ta haya cooperacion di otro ministerio publiconan di otro Pais

Jeffrey Schuilenburg a yama un conferencia di prensa dilanti di Ministerio Publico Aruba pa por pidi husticia. Segun Schuilenburg dia 10 juni 2020 nan tabatatin un manifestacion y a haci entrega di e manifiesto na procurador general Alexander van Dam e temo ey. Pero e mes no a atende cu nos directamente pero a manda sra Ann Angela pa atende cu nos y e tempo ey a bisa cu enberdad cu investigacionnan di tur indole andando manera cu e procedura ta demanda.

Segun Schuilenburg loke ta e casonan administrativo no ta un caso mes pisa, si ta trata di un caso di ladronicia. E tempo ey na momento cu a entrega e carta OM Sra Angela a duna di conoce cu nan ta tratando e casonan pero nan mester di cooperacion di otro ministerio publiconan di otro pais pa por sigui e movecion di e placa y haya sa unda e ta bay, segun schuilenburg.

Esaki ta un situacion cu a compronde na e momento ey, pero pa schuilenburg loke ta incomprendibel ta, cu Aruba ta den Reino unda cu tur caminda e ley ta mes un cos debi cu nos ta cay bao di reino Hulandes. Pa schuilenburg loke ta hopi straño pa su persona ta cu na Corsou y na St Maarten por a tuma nota ultimo cu politico nan cu a curumpi of cu a malgasta placa di fondonan publico nan si a haya cooperacion di diferente paisnan unda cu por a sigui cu e movecion di e placa y te cu e politico a sinta su castigo y te cu nan a sali liber caba.

Pa straño cu e ta zona ta casonan cu a sali despues di e casonan na Aruba cu ainda no ta mira luz di dia. E pregunta ta keda dicon Aruba mester tarda asina hopi cu e investigacionnan aki? Segun schuilenburg berdad a scucha di diferente inval pero no ta mira resultado.

Si berdaderamente no tin cooperacion for di e otro ministerio publico nan di otro pais , e ora e pregunta ta segun Schuilenburg , dicon Corsou, St Maarten y Hulanda si ta haya cooperacion mientras cu Aruba ta keda pega.

Loke cu nos no mester lubida tambe ta cu Aruba ta un di esunnan cu mas a yuda internacionalmente pa combatimento di labamento di placa y otro actividadnan criminal. Segun Schuilenburg Aruba a perde un vrijezone danki na coopera cu otro paisnan cu situacion di labamento di placa . Segun Schuilenburg di e manera aki a impone un MOT riba Aruba pa coopera cu labamento di placa internacionalmente, awor kico ta pasando cu Aruba no ta haya cooperacion di otro paisnan, of ta e boluntad no tey , segun schuilenburg.