Oficina di Mediador di Gobierno ta habri 2021 cu ocho (8) peticion di referendum programa pa e luna di januari aki.
Algun di e referendum aki a wordo pidi den companianan cu nan trahadonan nunca tabata organisa sindicalmente. Pero tambe den companianan cu nan trahadonan tabata organisa caba y cu nan a dicidi di cambia di sindicato.
Un di nan tin di haci cu e trahadonan di cuido den e casnan di anciano di SABA solicita pa sindicato SEPPA. Tin un grupo di trahado cu dia 15 di januari awor lo dicidi via un referendum, si nan lo afilia na SEPPA of si mayoria di nan lo sigui cu sindicato di enfermero ABV
Mediador di Gobierno, Anselmo Pontilius a declara cu riba nan agenda nan tin 8 peticion di referendum pa januari 2021. E ta kere cu por lo menos cinco di nan ta pa un grupo di trahadonan cu nunca tabata organisa den un sindicato, y cu ta busca refugio bao un organisacion sindical.
Aña 2020 a wordo caracterisa pa un cantidad di referendum specialmente cerca companianan cu nan trahadonan no tabatin representacion sindical.
Sinembargo e no tabata e mesun cantidad cu oficina di Mediador di Gobierno a yega di mira den e aña anterior. Esaki debi na e situacion di e pandemia cu a limita pa algun luna e realisacion di referendumnan pa preveni e contagio di e virus.
