Entre 1% y 5% di persona cu coronavirus na Hulanda por tin e variante nobo di e virus identifica pa prome biaha na Reino Uni, segun investigacion nobo a mustra.
Mirando e tasa di infeccion actual ta alrededor di 9mil pa dia, esaki por nifica cu centenares di persona diariamente ta siendo infecta cu e variante Britanico nobo. Apenas 50 caso a keda confirma actualmente.
E cifranan ta bin di investigacion adicional ehecuta riba alrededor di 10mil test positivo di coronavirus na Hulanda. “E ta apareciendo na diferente luga”, virologo Marion Koopmans a bisa NRC. “Mayoria na un tasa hopi abao, pero por aumenta rapidamente.”
E lockdown actual ta yudando controla e transmision, pero ‘nos mester pensa hopi seriamente tocante con lihe nos ta planea pa relaha e reglanan”, Koopmans a bisa. Koopmans ta involucra den e investigacion riba e cluster di caso na un scol primario cerca di Rotterdam, unda tur maestro y alumno cu e virus tin e cepa Britanico. Awo ta expandiendo e investigacion riba e brote ey.
