Corsou actualmente ta den un situacion delicado finansieramente. Na mes momento e moral pa paga impuesto di cierto habitantenan ta laga hopi di desea. Ministerio Publico (OM) hunto cu su partnernan ta bay combati esaki.
Dor di no haci declaracion di impuesto, keda sin suministra servicio di impuesto cu e informacion rekeri, haci declaracion di impuesto falso of incumplimento cu otro obligacion manera esaki ta prescribi de e Ordenansa General di Impuesto di Pais (Algemene verordening Landsbelastingen, ALL), menos placa ta drenta den caha di pais. Placa cu ta destina pa educacion, salubridad, vivienda, infrastructura, etc pa e co-ciudadano nan. Mas chikito un comunidad ta, e presupuesto tambe ta mas chikito di manera cu e impacto di invasion di impuesto ta mas grandi. Pa medio di e participacion aki, Stichting Belasting accountants bureau (SBAB) y OM kier a pone tur empresario na altura di lo siguiente:
Conforme e Ordenansa General di Impuesto di Pais (ALL) tur empresario tin e obligacion di entrega nan declaracion di impuesto completo, corecto y na tempo. Riba e website di Inspeccion di Impuesto (www.belastingdienst.cw) e formularionan legal ta publica.
Na 2020 colaborado nan di SBAB a bishita empresarionan diferente biaha concretamente tocante e retraso den nan declaracion di impuesto. E peticion tabata pa cumpli cu nan obligacion, bou di menasa di boetnan administrativo y persecucion penal.
Entrante 2021 tur empresario cu no a duna oido na e advertencianan por escrito mester tene cuenta cu e siguiente medidanan:
• Un bishita di e Team di Servicio di Informacion y Investigacion;
• Si no cumpli cu regla lo duna un proses verbal;
• Sancion di OM y/o Corte.
Lo uza derecho penal como e ultimo recurso. Na momento cu otro posibilidad nan no duna resultado, of si ta busca un efecto social extra, lo recuri na persecucion. Hopi biaha lo ofrece un transaccion, pero si echo y circunstancia ta pidi, lo dagvaard mesora. Esaki ta conduci cu e but manera cu posiblemente lo a wordo impone den un caso administrativo, lo wordo uza como base pa un demanda penal.
Debi cu a scoge pa e ultimo recurso cu ta derecho penal, mester tene cuenta ke e demanda dilanti hues lo ta mas pisa cu esun administrativo. Lo demanda un boet mas halto y tambe otro tipo di castigo manera un castigo di tarea of hasta un castigo (incondicional) di prizon of un combinacion di esaki.
Punto di salida di Ministerio Publico ta keda e interes pa pais. OM ta spera cu tur hende lo paga nan impuesto cu nan debe conforme e legislacion di impuesto. Fuera di esaki no ta importa cu ta hacie pa motibo etico of social of un deseo pa sirbi bo pais.
