Tras di e exitoso regreso di e rocanan lunar door di su sonda robotico Change’5, China ta preparando pa futuro misionnan cu lo por sinta e base pa un base lunar eventualmente pa alberga humanonan exploradonan, a bisa diahuebs den un halto funcionario di e programa espacial.

E proximo 3 misionnan lunar di China ta den marcha, hunto cu programanan pa debolbe muestranan di Marte y explora asteroidenan y e planeta Jupiter, e subcomandante a bisa di e programa di exploracion lunar di China, Wu Yanhua.

“E exploracion di e berdad di e universo apenas ta cuminsando” Wu a bisa riba un conferencia di prensa celebra oranan despues di e capsula di Change’5 lo wordo lansa den paracaidanan na un aterisahe den Mongolia Interior cu e prome muestranan lunar cu nan a hiba back tera den mas cu 40 aña.

E programa Change’5, cual ta hiba e nomber di e Diosa di China di e luna, a realisa 3 aterisahe eynan, incluso den su banda menos explora. Change’5, programa pa su lansamento den 2023, lo recoge mas muestranan di e polo lunar, mientras cu su dos sucesornan lo realisa estudionan detaya y lo purba e tecnologia necesario pa e construccion di un base cientifico den e luna.

Ainda no a duna fecha pa e Change’7 y 8, pa un mision tripula na e luna cu China ta bisa cu e ta den proceso of pa e construccion di un base lunar.

“China ta dispuesto di sigui contribui na e mundo y mehora e bienestar di ser humano cu e solucionnan espacial chino” Wu a bisa.

E capsula di e sonda Change’5 y su cargamento di muestranan tabata traslada na e campus di e programa espacial den Beijing despues di aterisa husto prome cu 2 or a.m. riba diahuebs.

E mision a logra prome pa e programa di exploracion lunar di China den reecolecta muestranan, lansa un vehiculo desde e superficie di e luna y acopale cu un capsula pa transferi e muestranan pa su biahenan na Tera, e administracion Nacional di espacio di China a bisa riba un comunicado emiti despues di e aterisahe.

“Manera e mision espacial mas compleha y tecnicamente innovado di nos nacion, Change’5 a logra mutiple avancenan tecnico y nan ta representa un logro historico” a bisa.