Candelanan na Amazonia Brasileño a aumenta un 120% na october compara cu e mesun luna di aña pasa y a crece na un 17% den Pantanal, e zona cu mayor awa na planeta, segun cifranan cu Gobierno a publica ayera diadomingo.
Di acuerdo cu datonan consolida di Instituto Nacional di Investigacionnan Espacial (INPE), e mayor selva tropical di e planeta a registra 17.326 foco di candela na october, compara cu 7.855 cu a sucede na mesun luna di 2019.
Na Pantanal, e zona cu mas awa den planeta y cu Brasil ta comparti cu Bolivia y Paraguay, tabatin 2.856 foco di candela na october y na 2019 a wordo registra 2.430.
No obstante, e candela a cuminsa duna un espacio pa e bioma Brasileño na e luna aki cu un caida di 64% na Pantanal y 45% na Amazonia, compara cu e candelanan registra na september.
Di acuerdo cu loke a wordo acumula den 10 luna aki di 2020, Pantanal ta esun cu a wordo afecta mas cu un crecemento di 110% den e number di candela, un historico record pa e bioma aki.
Na Amazonia candelanan a aumenta na 4,6% entre januari y october, den relacion cu e mesun periodo di 2019, e mayor cifra desde 2018 ora den mesun tempo a registra 68.345 foco di calor.
Amazonia a registra e pio candela di su historia na 2019 ora e potretnan di e candela a core rond den henter mundo y bati alarma pa comunidad internacional.
E datonan publica awendia ta bay den contra di e discurso di e presidente di Brasil Jair Bolsonaro, ken a insisti cu e number di candela a baha na e pais y a acusa organisacionnan no gubernamental y e mesun indigena di e destruccion di boskenan.
