E final di e di dos edicion di e Festival di Pelicula di Derecho di Mucha di UNICEF Caribe 2020. E biaha aki Boneiro tabata e isla organisado, pero pa motibo di coronavirus a tuma e decision pa no ricibi e muchanan di e islanan cu ta participa fisicamente na Boneiro. Como alternativa a organisa un programa di television bibo for di Hulanda, presenta dor di Lisette Wellens.
E participantenan di Boneiro, Corsou, Aruba, Saba, Sint Maarten tabata virtualmente presente. Sint Eustatius a join mas despues. Cada isla a soru pa un localidad festivo. Durante di un ora y mei a transmiti tur pelicula di e muchanan.
Tanto e peliculanan cortico tocante derecho di mucha a base di un texto di Saba, Boneiro, Corsou, Aruba y Sint Eustatius y tambe, special pa e edicion aki, e peliculanan di Sint Maarten y Sint Eustatius caminda e muchanan ta splica nan pintura tocante derecho di mucha. Mas e tempo a pasa, mas tension tabatin.
Ken e hurado lo scoge como ganado? Al fin diputado Nina den Heyer a duna nos e contesta cu nos tabata warda riba dje for di Boneiro. A resulta cu e miho pelicula di derecho di mucha a sali pa scol Emmanuel na Corsou. E pelicula ta bay tocante e importancia di famia pa mucha y specialmente e importancia pa muchanan tene contacto cu tur dos mayor. E muchanan a haya guia cu e produccion di nan pelicula dor di nan ‘filmcoach’ Ralph Durgaram.
Banda di un premio pa miho pelicula tabatin premio pa e peliculanan tocante derecho di mucha den e siguiente categorianan:
- Premio pa miho actuacion tambe a bay pa scol Emmanuel di Corsou.
- Premio pa e miho storia di derecho di mucha a bay pa scol Macuarima na Aruba.
Tambe tabatin premio pa e peliculanan tocante e pintura di drechi di mucha den e siguiente categorianan:
- Premio pa miho pintura di derecho di mucha a bay pa Canadian International Academy na Sint Maarten
- Premio pa miho argumentonan tocante derecho di mucha a bay na Golden Rock School na Sint Eustatius.
Despues cu transmision di e programa a termina tabatin un ‘afterparty’ na tur e islanan. Asina e final di 2020 a termina. Duna atencion na derecho di mucha ta keda sumamente importante. No tur mucha riba e islanan conoce nan derecho. Solamente ora e muchanan ta na altura di nan derecho nan por defende nan mes. Dor di organisa e Festival di Pelicula di Derecho di Mucha di UNICEF, ta uza un manera creativo pa duna atencion na derecho di mucha.
Por wak e peliculanan ganado riba e pagina di Facebook di e Festival di Pelicula di Derecho di Mucha di UNICEF: https://facebook.com/unicef.filmfestival
