Un barba bon cuida tin aproximadamente e mesun cantidad di bacteria cu un barba bon feita. E ta algo comun y algo cu sa caba cu barba ta un wanta bacterianan infeccioso manera estafilococos y enterococos, cu por laga bo bira malo si nan logra drenta den bo sanger via un corte of herida.

Pa mantene bo barba limpi, mester lab’e 2-3 biaha pa siman cu shampoo, peñ’e regularmente y tambe mester tene un bon practica di higiena di mas, ya cu e ta e forma mas facil di propaga e germenenan na otro parti nan di bo curpa.

Barbanan ta portado di bacterianan, pero tambe e cuero bon feita

E barbanan ta un portado pa germenenan, pero ki nan nos tin e cuestion pakico esey ta.

Nos cuero, incluyendo bo cara, ta un portado di bacteria tur tempo, independiente di e estado di cabey facial.

Un estudio di 2014 publica na The journal of Hospital infection a compara e ecologia bacteriano di e cabey facial di 408 trahado masculino di hospital pa determina si e barbanan ey tabata wanta mas bacteria.

E investigadonan a haya cu e colonisacion bacteriano den ambos gruponan tabata comparabel, siendo e prevalencia di Staphylococcus aureus den realidad un poco menor (41,2%) den esunnan cu cabey facial cu esunnan cu tabata bon feita (52,6%). E ta bale la pena señala cu e tamaño di e muestra di 408 hende homber tabata significativamente mayor cu e tamaño di e muestra di e estudio viral di 2019, cu tabata solamente di 18 hende homber.

E bacterianan aki prome menciona of realmente cualkier bacteria, por drenta den e barba di un hende den varios manera. Segun Suzanne Willard, PhD, APN-c, Asocia di salud global den e scol di enfermeria di Rutgers, e germenenan ta yega eynan di e mesun manera cu nan a drenta den cualkier otro parti di nos curpa, a traves di nos man, e mannan di otro hendenan y e germenenan cu ta den aire bulando.

Si bo ta tratando di protege bo mes di e bacterianan/germenenan den aire mediante e uzo di un tapa boca, e cabey facial ta definitivamente un preocupacion. Cu e tapa boca, particularmente e respiradonan N95, un ahuste poco preta ta algo crucial. E cabey facial por haci cu un tapa boca ta ineficaz si e cabey no ta permiti e tapa boca di cover bo bon, segun Hogan y Willard.

Con pa desinfecta bo barba

Si bo tin barba, bono mester bay feit’e. “Si nos no ta bisando e personanan pa feita nan cabes, e ora nos no mester haci cu e hombernan mester feita nan barba”, Willard ta bisa. Sin embargo, ta insisti den e importancia di mantene limpi e barbanan y kier recorda boso cu e hende hombernan cu si bo ta bon feita no kemen cu e ta haci bo liber di bacterianan of germenenan.

Pa mantene bo barba limpi, Hogan ta recomenda lab’e cu e mesun frecuencia cu bo ta laba bo cabey normalmente, generalmente un paar di biaha pa siman, asina mescos bo cabey regularmente pa yuda elimina e celulanan morto di bo cuero bou di bo cabey.

Algun labanan di barba of shampoo tin un elemento antibacteriano, pero si un shampoo ta antibacteriano of no, e no ta importante manera e acto di limpiesa en si mismo. E FDA ta bisa cu no tin evidencia suficiente pa bisa cu uza habon of shampoo antibacteriano ora di laba bo mas ta miho pa mata germenenan cu uza un higiena regular y Hogan ta bisa cu e ta pasa mescos cu e labado di e barba. Solamente sigura bo mes di duna bo barba un bon masashi profundo y ora di lab’e cu awa pa asina elimina e germenenan.

Loke ta ainda mas importante cu mantene e barba limpi ta practica semper un bon higiena en general, specialmente e higiena di bo mannan. E labamento di man profundo y cu frecuencia, asina cu distancia tambe di esunnan cu por ta malo, ta algo crucial pa un bon salud, asina ta mantene e concentracion principal den esey.