Fundacion Rancho: “Inversionista a kibra Patrimonio di Aruba Rancho y Schoenerhaven”

For di lunanan pasa, ciudadano- y piscadonan di area Schoenerhaven, Markthallen y Waf’i Rancho ta dunando di conoce nan mal contento pa loke ta trata un desaroyo den e area cu ta causando un molester pa nan pa loke ta trata acceso na waf, argumentando cu inversionistanan a kibra patrimonio di Aruba.

Bon Dia Aruba a tuma contacto cu sr. Clifford Rosa, cu ta representante di Fundacion Rancho, kende a bisa cu desde basta luna caba nan ta wardando un clarificacion for di Gobierno di Aruba, ministernan concerni hunto cu APA, DOW, DIP y Kadaster, pero cu esey no a tuma luga ainda.

E area aki ta un area cu ta hopi pidi pa piscadonan por para nan boto y ta p’esey cu nan tin e exigencianan basico y cu e punto principal dicon e area aki ta importante pa e comunidad di Aruba.

Por a mira riba e potretnan cu pa via di construccion y desaroyo nobo den e area no tabata posibel pa haya acceso pa loke ta trata e area di parkeer. Pero despues decision a cambia y nan a wordo notifica cu acceso tabata liber, mirando cu pa via di e construccion nan tabata pasa un tubo den e parkeer area bay lama riba e beach cu ta unico historico di Aruba.

Di mesun manera, Rosa a menciona cu “inversionista a kibra Patrimonio di Aruba Rancho y Schoenerhaven y ta criminalizando e acceso di pueblo pa yega Waf’i Rancho pa cumpra pisca for di e piscado”.

Como representante di Fundacion Rancho, Rosa a bisa cu e ta para di banda di e piscadonan y tambe di esunnan cu ta apoya e balor historico cultural cu e area ey tin cu nan ta purba di conserva di e manera mas original posibel cu por ta.

Fundacion Rancho:
“Inversionista a kibra Patrimonio di Aruba Rancho y Schoenerhaven”

For di lunanan pasa, ciudadano- y piscadonan di area Schoenerhaven, Markthallen y Waf’i Rancho ta dunando di conoce nan mal contento pa loke ta trata un desaroyo den e area cu ta causando un molester pa nan pa loke ta trata acceso na waf, argumentando cu inversionistanan a kibra patrimonio di Aruba.

Bon Dia Aruba a tuma contacto cu sr. Clifford Rosa, cu ta representante di Fundacion Rancho, kende a bisa cu desde basta luna caba nan ta wardando un clarificacion for di Gobierno di Aruba, ministernan concerni hunto cu APA, DOW, DIP y Kadaster, pero cu esey no a tuma luga ainda.

E area aki ta un area cu ta hopi pidi pa piscadonan por para nan boto y ta p’esey cu nan tin e exigencianan basico y cu e punto principal dicon e area aki ta importante pa e comunidad di Aruba.

Por a mira riba e potretnan cu pa via di construccion y desaroyo nobo den e area no tabata posibel pa haya acceso pa loke ta trata e area di parkeer. Pero despues decision a cambia y nan a wordo notifica cu acceso tabata liber, mirando cu pa via di e construccion nan tabata pasa un tubo den e parkeer area bay lama riba e beach cu ta unico historico di Aruba.

Di mesun manera, Rosa a menciona cu “inversionista a kibra Patrimonio di Aruba Rancho y Schoenerhaven y ta criminalizando e acceso di pueblo pa yega Waf’i Rancho pa cumpra pisca for di e piscado”.

Como representante di Fundacion Rancho, Rosa a bisa cu e ta para di banda di e piscadonan y tambe di esunnan cu ta apoya e balor historico cultural cu e area ey tin cu nan ta purba di conserva di e manera mas original posibel cu por ta.