Prensa ta di cuatro poder na Aruba pa por controla y percura pa democracia por funciona debidamente. Pero locual nos por wak cu 24 ora lamentablemente un biaha mas ta uza grabacion di algun dia anterior, unda cu parlamento no tabata na altura cu nos Prome Minister lo ta biahando pa Hulanda pa purba crea desunion entre parlamento y Prome Minister , pero e tipo di politica barata aki no tin espacio cerca mi persona.
Opinion duna dialuna
Dialuna atardi mi persona a ser entrevista pa 24 ora y a bin un pregunta si mi ta na altura cu nos Prome Minister lo ta biahando pa Hulanda y corectamente mi persona a contesta cu mi no ta na altura. Mi opinion tabata cu esaki no lo ta necesario den bista di e tantisimo trabaonan cu tin y sigur awendia e plataforma digital por ser uza pa termina e proceso y sigur mi opinion ta keda cu circunstancia a haci cu awo nos mester bay di acuerdo cu Hulanda den interes general y esaki ta keda mi opinion.
Parlamento ta na altura di e biahe
Diferente manera 24 ora lo kier pretende cu nos Prome Minister a biaha sin cu nos ta na altura ta totalmente eroneo. Ora un Prome Minister ta biaha semper ta manda informa parlamento cu e lo ta afo pa sea trabao of pa biahe personal y esaki no tabata diferente. Pues e ponencia cu parlamento no ta na altura ta un biaha mas un mentira grandi.
Nos tin pleno confiansa den nos Prome Minister cu ta un persona cu ta haci biahe di trabao ora esaki ta necesario y sigur esaki no ta excepcion y sigur nos Prome Minister no lo kier a haci e biaha aki pero circunstancia a cambia y su persona lo kier ta na Hulanda pa termina e negociacionnan personalmente y ta sigur cu locual a ser acorda ta locual su persona lo firma tambe.
Di aki mi ta desea nos Prome Minister hopi exito cu e biahe di trabao aki!
