Segun un encuesta di salida di e cadena CBS, e Puertoriqueñonan di Florida a vota den un proporcion di tres pa un pa respalda e candidato democrata Joe Biden.
E cadena di television a indicacuaunke e Cubano-americanonan a faborece e actual presidente Donald Trump denun proporcion di 57% pa 40%, 72% di e ‘Boricuanan’ di e estado a prefera di duna nan voto na ex-vicepresidente Biden.Solamente 25% di e Puertoriqueñonan di e estado, despues di un intenso campaña di ambos partido, a vota pa presidente Trump.
E respaldo di e Cubano-americanonan, mas tanto den sur di e estado, a yuda Trump gana e estado importante aki, den un eleccion hopi cera. Na 2016 e respaldo di e Cubano-americanonan di Florida pa Trump tabata 54%, en comparacion cu e 35% di e Latinonan en general.
ECubano-americanonan a representa31% di e Hispanonan elegible pa vota, compara cu 27% di e Puertoriqueñonan, segun Pew Research Center. No ta cla di nan tabata registra.
Eduardo Gamarra, profesor di Universidad Internacional di Florida (FIU), a bisa cu e campaña di Biden tabatin problema di defende nan mes den sur di Florida, cu un poblacion Cubano-americano grandi, contra e acusacion cu Biden ta un socialista, a pesar di ta un centrista den sentido politico.
“A resulta dificil pa desaroya un respuesta den tereno. Nan a hacie, pero ya tabata laat,” Gamarra a indica na e cadena NBC.Segun encuestanan haci na salida di urna, Biden a obtene ademas un respaldo di 2 pa 1 (66% pa 32%) dentro di e electorado Hispano na nivel nacional diMerca.
Habitantenan di e isla mes no por a vota den eleccion pa presidente Mericano, a menos cu nan muda pa Merca mes.
