Fanaticonan di Selena Gomez a sinti alivio ora a keda revela cu e IV den su brasa siman pasa no ta causa di preocupacion tocante su salud.
Hopi ‘Selenator’ a bira preocupa despues cu e cantante a tene un combersacion en bibo riba Instagram Live cu Timothee Chalamet dia 24 di october, y espectadornan a mira un tubo ta sali di su brasa.
Manera ta conoci, Selena a sufri un cantidad di problema medico durante ultimo 5 aña – incluyendo un diagnostico di lupus y un transplante di riñon – pero fuentenan cercano na dje ta bisa cu e IV tabata simplemente un vitamina.
Segun TMZ, Gomez ta ricibi e IV regularmente y nan no tin nada di haci cu su lupus of otro problema di salud. Tocante pakico el a scoge di ricibi e likido mientras e tabata haciendo un transmision en bibo, e fuentenan ta bisa cu ta un casualidad, y Selena no a worry pa scond’e.
Mas importante, Selena ta bon y ta saludabel, y ta tene su mes hopi ocupa durante e pandemia. Ademas di enfoca riba su carera, e tambe ta trahando duro pa curasha pueblo Mericano pa vota, y siendo activista hunto cu otro muhenan poderoso, incluyendo Kamala Harris, Michelle Obama y Stacey Abrams.
