Den e prome lunanan di pandemia, mientras ciudadnan capital manera Bogota, Barranquilla y Cali tabata padece e catastrofe di coronavirus cu e cifranan di contagio mas halto di e pais, Medellin tabata mantene cu un indice abao di personanan infecta.
Ta asina cu prome cu dia 1 di juni (comienso di reactivacion economico) e ciudad no tabata surpasa 500 caso di Covid. Despues, den un luna e ciudad a yega na 2.000 caso, loke tambe tabata considera como un cifra abao compara cu otro capitalnan grandi di e pais como Cali of Barranquilla, cu tabatin 7.378 y 12.753 caso.
Esaki a pone e ciudad como ehemplo na nivel internacional den e maneho di pandemia, teniendo na cuenta cu e capital Antioqueño ta e di tres ciudad cu mas poblacion na mundo (19.700 pa kilometer cuadra).
Sinembargo, actualmente e panorama ta diferente. Desde ultimo dianan, Antioquia ta lider di aumento di casonan di coronavirus na e pais. E rapport di 12 di october ultimo a revela cu Antioquia a registra 2.624 caso nobo, di e cual Medellin tabatin 1.501, riba e mesun fecha na Bogota a registra 1.025 caso.
Pa loke ta trata e motibonan di e cambio aki na Antioquia, secretaria di Salud di Antioquia, Lina Bustamante a splica cu esaki tin di haci cu reactivacion economico, na unda por mira un movemento masivo di mas hende, cu a uni na e falta di cuidao di e ciudadanonan.
“E mescla di hopi mobilidad cu un tema di relahacion di poblacion, a haci cu contagio lo subi. Esaki ta normal, pero ta p’esey cu nos ta keda reitera pa hende sigui cuida nan mes, e co-responsabilidad, cuida e hende grandi y mantene e distanciamento social”, e secretario a manifesta.
Ademas, el a agrega cu desde 30 di september a presenta un aumento di numbercantidad di test, loke ta refleha mas casonan di Covid positivo. E promedio di test na Departamento ta di 6.000 pa dia (Antioquia tin 21 laboratorio cu un capacidad di 10.000 test), e cual ta enfoca riba pashentnan sintomatico, y di risico halto, no ta aleatorio y enfoca riba cierto zona, manera tabata prome.
