Nvidia: lo construi e supercomputer mas poderoso di e Reino Uni

E fabricante di chipnan grafico Nvidia, a bisa dialuna cu e ta planea di construi e supercomputer mas lihe di Gran Britania, cu e investigadonan di salud por uza pa traha den problemanan medico, incluyendo e COVID-19.

Nvidia na sede na Santa Clara, California, a bisa cu e lo gasta 40 miyon dollar Britanico (52 miyon dollar Mericano) den e supercomputer, denomina Cambridge-1, cu lo consisti di 80 sistema Nvidia y ta spera cu e lo ta online pa fin di aña.

E CEO di Nvidia, Jensen Huang, a bisa cu Cambridge-1 lo ta disponibel pa e investigadonan di salud cu ta utilisa inteligencia artificial pa traha den desafionan medico urgente. “Lo aborda e desafionan mas urgente di mundo, den e atencion medico ta rekeri recursonan informatica enormemente poderoso pa probecha e capacidad di IA” Huang a bisa.

Cambridge-1 lo ta clasifica manera e supercomputer number 29 mas poderoso di mundo y esun mas poderoso di Reino Uni, e compania a bisa. E empresanan farmaceutico GlaxoSmithKline Y AstraZeneca ta entre e gruponan cu a ser skirbi pa asina utilisa e ultimo computer.

E anuncio lo lansa despues cu e compania a bisa luna pasa cu a corda di cumpra e diseño di chipnan cu sede den Reino Uni Arm Holdings pa hasta 40 miyon y cu lo establece un centro di investigacion di inteligencia artificial den Cambridge, den Inglatera unda Arm tin sede.