SpaceX a cancela e lansamento programa di un satelite GPS di ehercito Mericano diabierna nochi cu apenas dos segundo faltando den e holoshi di countdown.
E lansamento tabata programa pa un bentana di 15 minuut cu tabata habri alrededor di 6:43pm PT. Tur cos tabata parce di procede corectamente, te cu dos seconde prome cu e lansamento. SpaceX tabata cendiendo e secuencia di motor na momento cu a stop e lansamento.
“Cancelando e intento di lansamento di GPS III-4 awe nochi”, SpaceX a tweet algun minuut prome cu 7pm PT, maske no a bisa si un problema na tera of vehiculo di vuelo tabata culpabel. SpaceX ainda no a anuncia un bentana di lansamento nobo.
SpaceX y Forsa Espacial Mericano tin un relacion tremendo. E intento di lansamento diabierna na Florida ta sigui e lansamento di Falcon 9 di Forsa Espacial na juni.
Unabes cu e compania di Elon Musk completa e lansamento di e satelite GPS, lo intenta aterisa e prome etapa di e Falcon 9 riba un barco drone den Ocean Atlantico. E astronave ta programa pa separa alrededor di 90 minuut despues di despega.
SpaceX a tene un transmision en bibo di e lansamento di diabierna, cu por mira pa wak con e eventonan a desaroya.
Tabata un siman druk pa lansamentonan di raket cu realmente no a ser lansa. SpaceX tabata programa pa banda un grupo di satelite di comunicacion Starlink nobo den orbita abordo di un Falcon 9 diahuebs, pero a stop e lansamento ey y lo pon’e back riba schedule. United Launch Alliace tambe tabatin intencion di manda un raket Delta IV Heavy diaranson cu un satelite spion clasifica, pero un problema tecnico a stop e intento mas recien.
E lansamento posponi di Starlink, combina cu e mision di Forsa Espacial, a crea un bunita oportunidad pa potret. SpaceX a comparti un bista riba Twitter siman pasa di e dos Falcon 9 riba nan launch pad separa.
