Rino Hermans di Bureau Rampenbestrijding Aruba a declara na Bon Dia Aruba cu nan a cuminsa inventarisa e consecuencianan cu e yobida cu a sota nos isla diasabra mainta tempran por a laga atras.
El a bisa cu a cay un promedio di 35 millimeter di awa y Aruba tin capacidad pa awa te cu 80 millimeter di awa. Tin algun cas y otro sorto di infrastructura cu a haya efecto, pero no un efecto di calamidad. Loke si e yobida a afecta ta e mobilidad di trafico.
“Pero nada di menasa pa bida di hende,” Hermans a bisa. Despues di un par di ora e mobilidad di trafico a cuminsa normalisa bek.
Ainda no ta conoci oficialmente y precies ki bario a aya mas awa a base di e yamadanan cu a drenta. Normalmente Brandweer ta realisa un inventarisacion di e yamadanan cu nan ta ricibi pa pidi asistencia for di nan.
