Segun un relato di reportero Sharina Henriquez pa e portal noticiero Ret Karibense, e proyecto di construccion di hospital cu tabatin planea ta ‘mucho complica’ y lo afecta operacion di e unico hospital cu Aruba tin.

“Esaki no ta na beneficio di e cuido tampoco”, Freek Korver, presidente interino di directiva di hospital Horacio Oduber a declara na Ret Karibense. El a bisa cu ta cu ‘asombro grandi’ el a mira e reconstruccion cu ya tin varios aña andando, cu varios miyon den gasto extra, gastonan cu na final ta pagadornan di belasting lo mester paga.

Pero, segun Korver, hospital mes no ta partido den e reconstruccion. E tereno ta di gobierno, cu ta huur esaki cu Soga. E fundacion aki a bira doño di edificio di hospital cu e proposito di hiba a cabo e reconstruccion. E fundacion ta huur e edificio aki na gobierno, cu na su bes ta huur esaki na Hospital Horacio Oduber.

“Mi ta kere cu bo por compronde cu esey no ta un construccion masha eficiente. Y cu nos tabatin problema grandi tambe cu e edificacion. Esaki a pone cuido na algun parti para tambe un temporada, pasobra tabatin molester di holor stinki, huma, awa y boroto.”

Sinembargo, solamente gobierno por acudi directamente na Soga cu e tramitenan di construccion. Korver ademas ta nota cu tin demasiado intervencion politico den e responsabilidadnan di hospital, cu esakinan ta demasiado cerano na otro actualmente, cual ta afecta tur partido, segun Korver.

E manager actual di hospital tin un conseho: “Pasa e [edificio di] hospital over pa hospital y lag’e mes maneha esaki cu e fluhonan adecua di cen. Como doño esaki ta duna nos un posicion mas facil y miho riba e mercadonan financiero. Y cu esaki e ta percura pa e distancia di e cuido di salubridad y politica, e Pais, tambe bira diferente. E ora ey bo por haya un discusion di contenido hopi mas sano cu otro. Miho cu si e ora ey ta trata solamente di, bisa, e edificio y e huur”, Korver a bisa Ret Karibense.

Actualmente ta un situacion di hopi reto pa e unico hospital di Aruba. For di aña 2018 tin un debe di miyones di florin, y e ultimo aña tabata uno yen di incidentenan caro, empeora awor cu e crisis di coronavirus.

Pero Korver no ta mustra pafo so pa aclara e debenan di e ultimo aña: hospital mes tambe por funciona mas eficiente y bao di miho control. “Ultimo añanan nos no tabatin suficiente bista tampoco riba kico tabata sucede den e organisacion.” Cu consecuencia cu awo den un periodo cortico di un aña y mey hospital kier spaar 18 miyon florin (entre 5-10% di nan volumen di benta). Sinembargo esey no lo elimina e menasa di mas reduccion di gasto e aña aki relaciona cu e crisis di coronavirus y su impacto riba entrada di hospital.

En todo caso, cu un contribucion di un biaha di gobierno Arubano of di Hulanda, segun Korver a declara, banda di un organisacion regla mas exacto, e hospital lo por sigui bon riba su mes pia. “Y cu nos por ofrece e cuido di nivel halto cu bo por spera di un hospital. Lo tabata trata di un contribucion di entre 10 y 25 miyon florin. Pero nos ta haciendo esaki mas skerpi ainda.”

Potret: Ret Karibense.