E wind farm (parke di energia di biento) riba tera na Hulanda oficialmente a habri na Wieringermeer ayera.
“Nos ta orguyoso cu nos por duna apertura na e parke mas grandi awe tardi. Nos ta construyendo un total di 82 turbina di biento cu por genera energia pa alrededor di 370mil hogar”, segun Ruben Lindenburg di compania di energia Vattenfall a bisa na NH Nieuws.
Ya a instala 81 turbina di biento, y lo construi esun di 82 proximo aña. Algun di e molina di biento ya ta operando. “Pasobra ta un proyecto asina grandi, no ta haci tur cos mesora. Awo nos tin alrededor di 60 molina di biento den operacion completo. Nan tur ta riba e red. Awo nos ta drentando fase di test y mira si nan ta bayendo bon. Y despues nan lo ta completamente operacional”, Lindenburg a bisa.
E apertura oficial tabata pa 4pm ayera. Pa motibo di crisis di coronavirus, e apertura tabata principalmente online.
E yegada di e parke di energia di biento a causa algun critica na Wieringereer tocante e cambio di paisahe. “Nos sa di e critica y mi ta compronde tambe”, Lindenburg a bisa. “Si bo mira loke nos a construi den un tempo relativamente cortico, mi ta compronde cu hende mester custuma. Na mes momento, e mision di nos compania ta pa biba liber di combustibel fossiel den un generacion, y esaki ta fit hopi bon cu esey.”
E paisahe anochi awo tambe ta mustra diferente – luz cora ta briya for di e turbina anochi. “Ami tabata den e area ayera nochi y ta asombrante. Mi ta compronde cu hende mester custuma cu esey tambe. Pero nos mester adheri na e reglanan pa seguridad di aviacion. Ta p’esey cu e luznan ey ta cendi.”
