Amazon a introduci un tecnologia di reconocemento di man den un par di tienda na Seattle, y ta mira un audiencia potencial mas amplio den stadion, oficina y otro sitionan cera of sigur.
Clientenan na tiendanan cerca di campus di Amazon na Washington por mustra nan man pa drenta den areanan sigur y cumpra productonan.
E compania a scoge reconocemento di man, segun Dilip Kumar, vice presidente di Tecnologia Minorista y Fisico, pasobra ta mas priva cu otro tecnologia biometrico, y lo rekeri un persona pa intencionalmente mustra su man na e aparato Amazon One pa activa esaki. “Y e ta sin contacto, cu nos ta kere clientenan lo aprecia, specialmente den temponan actual”, Kumar a skirbi den un blog post ayera.
Manera e fingerprint humano, cada man ta unico. A diferencia di fingerprint, no ta usa e man pa propositonan di identificacion mas amplio pasobra mester informacion mas specifico pa e curpa. Cualkier imagen di man duna pa uso nunca ta ser warda den aparato Amazon One, e compania a bisa, pa motibonan di seguridad.
Ademas, ta encrypt (codifica) e data den un sector sigur di e cloud cu tabata construi specialmente pa Amazon, y clientenan por elimina nan data relaciona na Amazon One permanentemente na cualkier momento.
E compania ta spera pa lansa Amazon One como un opcion den otro tiendanan di Amazon den proximo lunanan, cu lo nifica tiendanan di comestibel Whole Foods Market. Pero Amazon ta kere cu por aplica e tecnologia den un variedad di sitionan sigur.
“Nos ta kere cu Amazon One tin un aplicabilidad amplio mas leu di nos tienda minorista, pues nos tin plan tambe pa ofrece e servicio na terceronan, manera retailer, stadion y edificionan di oficina, pa mas hende por beneficia di e conveniencia y facilidad aki den mas luganan”, Kumar a skirbi.
Pa awo, ta usando e tecnologia solamente na dos tienda Amazon Go. Amazon Go ta e prome supermercado sin cahera di e compania, introduci e aña aki, unda clientenan por gara producto y sali sin mester para den rij of habri nan cartera. Hende por registra pa un cuenta di Amazon One cu un number di celular y un credit card. Cuenta di Amazon no ta necesario.
