Practice for Advanced Dentistry no lo prolonga e contractnan cu AZV di dentista Hendrik Marsman y Sadira de l’Isle na fin di september 2020.
Segun e siguiente comunicado di prensa, dentista Hendrik Marsman a completa su estudio pa dentista na Radboud Universiteit van Nijmegen y Sadira de l’Isle na Academisch Centrum Tandheelkunde Amsterdam na Hulanda.
Practice for advanced dentistry ta keda ofrece tur servicio y tratamento dental pa mucha y adulto pero esaki lo cay bou di tarifa particulier. Cliente por yama of e-mail pa haci cita pa tur tratamento dental manera consulta, X-ray, yena /ranca djente y plan pa reemplasa djente perdi etc. Banda di esaki ambos dentista ta specialisa den “biocompatible dentistry”. Cliente cu ta experiencia dolornan cronico manera dolor/presion den cabes, problema di lomba, dolor artritico (artritis), urticaria y tambe sintoma di burnout por wordo yuda cu un maneho biologico. Biocompatible dentistry ta encera entre otro diagnostico di infeccion cronico den weso di e kaak y ta enfoca riba diagostico y tratamento integral di inflamacion den boca.
Door di diagnostica y trata infeccion y inflamacion dental por alivia y yuda patient cu problema sistemico cronico. Pa esaki ta wordo usa entre otro tratamento di ozon, L-PRF plasma, aumentacion di weso y tambe si ta necesario reconstruccion dental.
