Dr. Ben Whiteman di partido Pueblo Soberano ta duna di conoce cu na momento cu mester wak e relatonan financiero di Corsou ta mira miyones di ganashi nan ta haci for di e mes un Mercado di medicina. Hulanda ta e protagonista di e situacion malo cu Corsou ta aden.
Na momento cu mester analisa 50 aña largo di ayudo tecnico y ora cu mester wak e cifranan cual Hulanda a yuda Corsou y ora conta e totalidad di e producto bruto interno ta mira claramente loke cu Hulanda a yuda cune no ta mas cu 4% di e producto bruto interno.
Loke cu ta di lamenta ta cu Hulanda ta uza e 4% ey pa maneha completo e 96 % di Corsou. Dr. Ben Whiteman no por laga di culpa Hulanda di e crimen di mas grandi contra di Corsou su situacion financiero y hunto cu Merca a blokia e proyecto di diamanta cu Corsou tabatin pa cu e refineria.
Tur loke cu ta pasando na e momentonan aki ta “bijzaak”. Tur hende cu dos dede di sinti y tur hende cu conoce e materia y tur hende cu kier Corsou bon sa cu e proyecto di refineria ta e miho proyecto cu tabatin pa Corsou, segun dr. Ben Whiteman.
Hulanda y Merca a pone un stop na proceso di e refineria di Corsou debi cu ta trata di Chines nan, siendo cu tin un cantidad grandi di negoshinan Hulandes ta haciendo negoshi na China y tin un cantidad di negoshi Chines ta haciendo negoshinan multimiyonario na Hulanda.
Segun dokter Ben Whiteman e sterfhuisconstructie no ta pa Corsou, pero ta pa yiu di Corsou debi cu Hulanda kier Corsou, Mark Rutte a bisa aña pasa januari cu Corsou ta un trampolin pa Latino America y Caribe y nan tin mester di Corsou. P’esey loke cu ta sosodiendo na Corsou ta cu Hulanda ta trata di kibra Corsou mas hopi cu e por, pone na rudia cu yudansa di e gobierno actual cu di tal manera cu nan por reemplasa y pone nan hende nan cu lo bay dicidi…. Pero no pa Corsou y tampoco pa e yiu di Corsou, pero pa nan mes. Hulanda a calcula e situacion te cu nan a prepara p’e.
