U.N. Weather Agency ta bisa cu 2016 ta bay kibra record y bira e aña di mas calor desde cu a cuminsa midi den siglo 19. WMO (World Meteorological Organization) ta bisa dialuna cu e data desde luna di October ta mustra un averahe di temperatura global e aña aki di 1.2 grado Celsius, cual ta surpasa nivelnan pre-industrial. Esaki ta yegando cerca di e limite cu a wordo adopta aña pasa na Paris. Esaki tabata un yamado pa limita e hisamento den temperatura desde e revolucion industrial pa 2 grado of 1.5 grado Celsius.
E aña di mas calor te ainda tabata 2015 anto 16 di e 17 añanan di mas calor tabata den e siglo aki cu un solo excepcion den 1998 cual tambe tabata un aña di El Niño.
Fuente: Global News
