Corsou ta prohibi fiesta di cumpleaños y otro actividadnan social cu ta wordo celebra na cas. Ademas, bisti tapaboca ta recomenda specialmente den espacionan publico, segun prome minister Eugene Rhuggenaath a anuncia.
E prome minister tambe a haci un yamado na dunadonan di trabou pa permiti empleadonan traha for di cas mas cu ta posibel. Dies infeccion di coronavirus nobo a keda registra riba e isla ayera. Esey ta nifica cu e cantidad di infeccion a aumenta di 92 na 102 persona.
Segun Rhuggenaath, ta parce cu hopi infeccion ta transmiti durante celebracionnan familiar. Awo esakinan ta prohibi. Anteriormente a stop tur actividad di baile y musica, y a cera discoteca.
