Den varios portal di noticia a circula e informacion cu prome minister, Evelyn Wever-Croes a declara cu nos pais a keda sin placa pa paga tur su cuentanan.
Tampoco tin placa pa yuda companianan cu ta den dificultad financiero pa motibo di crisis di coronavirus.
Aruba no a logra yega na un acuerdo cu Hulanda riba e di tres tranche di prestamo di alivio pa crisis di coronavirus. Segun gobierno, e condicionnan imponi pa Hulanda pa e tercer tranche ta afecta autonomia di e pais.
Segun e portal noticiero Aruba.nu, Wever-Croes a declara cu placa mester yega di un banda of otro pa paga e cuentanan. Segun Wever-Croes, esey mester sucede prome cu mester paga salario di ambtenaarnan dia 24 di september proximo.
