Segun informacion mas recien di DVG ayera, dia 2 di september, tin 107 caso nobo di Covid-19 na Aruba.
Di esakinan dos no ta residente. Esaki ta hiba e total di casonan activo na 1,265. A haci un total di 432 test. 76 persona a recupera. Ademas, lamentablemente a registra dos caso di fayecimento, edad di e fayecidonan tabata entre 75 cu 85 aña. Palabranan di profundo condolencia ta bay na famianan di e fayecidonan.
Hospital ta informa cu te na e momento aki tin 36 persona interna den hospital di cual 9 ta den ICU y 27 ta isola riba piso general.
Esaki ta pone e total di caso positivo desde cuminsamento di e pandemia na Aruba na 2,211, e cantidad di fayecido total ta 12, y e cantidad di test realisa ta 21, 955 total.
