Secretario di Estado pa Relacion di Reino, Raymond Knops lo yega Corsou pronto pa reuni cu gobierno y varios otro stakeholder. Un cos ta cierto, e necesidad ta asina grandi, cu e reformanan na Corsou mester cuminsa rapidamente, pues no tin tempo pa negocia e plannan pa e Entidad di Reforma Caribense (CHE).
No a pone proceduranan na luga pa e Statuto pa prepara un ley di consenso di reino. E unico condicion ta cu Corsou, hunto cu Aruba y St. Maarten bay di acuerdo cu e ley, de lo contrario nan no ta mara pa e ley di statuto. Den caso di CHE, negociacion adelanta no tabata obvio, Knops a indica.
“Maske e propuesta ta adresa un problema cu ta visibel pa añas, su urgencia por wordo splica pa e brote di pandemia di Covid-19. E pandemia a tuma over e situacion financiero den reino y a haci e proceso di negociacion virtualmente imposibel.”
Maske comunicacion tabata dificil pa motibo di e urgencia di e crisis, e tres paisnan a ricibi e oportunidad pa bin cu nan propio propuesta. Cualkier obhecion na e legislacion por wordo entrega na Conseho di Estado y Raad van Advies durante e proceso legislativo.
Manera ya ta conoci, Raad van Advies ya a reacciona criticamente na e propuesta. E obhecionnan aki tambe por wordo discuti durante e debate parlamentario riba e legislacion. Den un cantidad di contesta, Knops ta reitera cu mientras e control, direccion y supervision di CHE ta den man Hulandes, e entidad lo opera na distancia for di gobierno Hulandes y cu lo tene cuenta cu e deseo- y opinionnan di e islanan Caribense. Lo tin consulta tocante proyectonan, y e paisnan por rechasa plannan di accion.
