Victimanan di violacion y violencia sexual no lo mester cubri nan propio gastonan medico mas, cuminsando ayera, bou un schema di prueba introduci pa gobierno.
Te cu awo, e estadoa paga pa e costonan di investiga e crimen, mientras terapia y test pa malesanan di transmision sexual a wordo cobra na seguro di salud di e victima. Esey ta ocasiona un gasto anual adicional di 385 euro, cu ta nifica cu algun victima mester a paga e costo for di nan propio saco.
Minister pa proteccion legal, Sander Dekker a bisa cu e schema di prueba, cu lo core pa un aña, tabata diseña pa elimina e barera cu ta descurasha algun victima di reporta ofensanan sexual. Esaki lo cubri gastonan medico pa cualkier persona cu tuma contacto cu e Centro pa Violencia Sexual dentro di shete dia di ser ataca.
“Ricibi e sosten necesario na e momento corecto por haci un diferencia significante pa victimanan di crimennan serio manera violencia sexual”, Dekker a bisa. “Ta suficientemente dificil caba pa busca ayudo, cu ta pakico ta importante pa elimina e mayor cantidad di obstaculo posibel.”
