Gobierno di isla Bonaire a ordena compania petrolero estatal Venezolano, Petroleos de Venezuela, pa move petroleo almacena den su terminal di BOPEC di 10 miyon bari riba e isla na tankinan mas safe, pa motibo di riesgo ambiental.
Den un declaracion diaranson, Inspectorado di Medio Ambiente y Transporte di Bonaire (ILT) a bisa cu PDVSA no a ehecuta proyectonan di mantencion den añanan recien pa motibo di falta di fondo, resultando den riesgo di lek.
“ILT ta considera esaki inaceptabel y ta tumando e medidanan necesario pa elimina riesgo”, e agencia a bisa.
PDVSA no a duna comentario inmediato.
ILT a bisa cu tabatin cinco tanki na e terminal yen cu fuel oil, y cu BOPEC na juli a reporta cu e dak flotante riba un tanki tabatin un leak, cu por causa un derame den evento di yobida pisa.
E agencia a bisa cu e jetties di e terminal tabata den condicion asina malo cu barconan no por a load of unload azeta. A bisa cu lo inspecciona dos tanki bashi pa transferi e azeta eyden.
E movida ta e golpi mas recin na e red di refinamento y logistica di PDVSA den islanan di Caribe Hulandes cerca di costa Venezolano. E contract di e compania pa opera refineria Isla di Corsou a caduca, y gobierno di Aruba a tuma control di refineria riba e isla aki, cual tabata maneha pa unidad Citgo di PDVSA.
