Dialuna mainta, pa mas of menos 5:50, a drenta un melding cu un auto mester a bolter. Ora cu a yega na e sitio, en berdad a topa cu un KIA Cerato cu a bolter. E ocupante tabata levemente herida. A solicita presencia di ambulance, cual a presenta na e sitio. Mesora a trata e victima, pero no tabata tin nada en particular. Segun e persona e tabata bin for di San Nicolas pa e bay traha. Tabata tin un auto para na e luz di trafico y e tabata biniendo riba un velocidad di 70 pa 80 kilometer pa ora y p’e e luz a bira berde keriendo cu e auto su dilanti para, ta bay. Luga e auto a keda eynan para, mientras cu e luz tabata berde. E conductor di e auto accidenta a bay pa kita. Sinembargo, debi cu tabata tin santo riba caminda, el a perde control, subi un sero chikito di santo, ranca palo di luz y finalmente bolter.
