17 di augustus Louedska Maduro a defende su tesis exitosamente riba plataforma di Zoom pa e comision di graduacion cu tabata consisti di Jacques van der Scheer, Yolanda Richardson y Militza Gietel di Aruba Marriott Resort and Stellaris Casino.
Dor di e medidanan pa frena e transmision di COVID-19Louedska a scoge pa haci su presentacion via Zoom. Esaki a haci tambe cu su famia, amigonan, docentenan y coleganan di Organization, Governance, and Management (OGM)por a sigui e defensa di su tesisfacilmente y den liña di su tesis.
Louedska a cuminsa OGM na 2016, el a haci un exchange na University of South Carolina na 2019 y tambe el a haci su pasantia na Aruba Art Fair ora cu e tabata den bachelor 3. E titulo di e tesis di Louedska ta: “Digital Recruitment: Paving the Way Towards Effective and Efficient Recruitment on Aruba”. Loudeska a haya interes pa e tema aki ora cu e la hacisu exchange na University of South Carolina. Aya el a experencia cu riba su cell via di diferente plataforma digital e por a wak virtualmente unda tin trabao. E trabaonan aki tabata tanto part-time, full-time, trabao pa studiante, esnan cu diploma di scolnan , y esnan sin diploma, enfin un variedadextenso y facil pa haya informacion pa aplica. Ta netamente e experiencia aki a dun’e e inspiracion pa haci su tesis riba e tereno aki. Loudeska a entrevista 12 HR manager den sector priva y di algun organisacionnan semi-gubernamental. Algun conclusion di su tesis ta cu organisacionnan na Aruba lo por uza LinkedIn y Facebook mas pa recluta empleado. Tambe el a conclui cu strategianan digital di reclutacion lo por yuda organisacionnan sigui posibel candidatonan cu ta mustra interes riba yamada di vacatura digital y saca dato.
Loudeska ta un graduado di Maria College MAVO, Avondhavo Aruba, y desde dia 17 di augustus Louedska ta un profesional den e area di ciencia di organisacion (organisatiewetenschappen) y administracion publico tambe. Na september proximo Louedska ta cuminsa cu un programa di Masters den Strategic Human Resource Management na Universidad di Utrecht.
Universidad di Aruba, particularmente e departamento di ‘Organization, Governance, and Management’, ta felicita Louedska cu e logroaki y ta desea e tur clase di exito aya na Hulanda.
