Britney Spears kier su tata fuera di su conservatorship

Britney Spears ta buscando di haci cambionan grandi den su conservatorship, y ta firmemente contra di su tata, Jamie ken ta sigui dirigi full e programa. E abogado designa pa e tribunal di Britney a caba di presenta documentonan hudicial nobo cual ta detaya e deseonan di Britney.

E kier pa Jamie Spears retira como e unico conservator riba su propiedad, y ta parce cu kier pa e muhe cu desde herfst ultimo ta tumando decisionnan pa ta e conservator permanente riba su persona regular.

Den e documentonan, e abogado ta bisa cu Britney Spears “ta prefera fuertemente”  pa mantene Jodi Montgomary den e puesto, cual a ser asigna como e curador temporal di e persona Britney durante casi un aña. Den e punto aki, e ta bisa cu e kier pa e keda den e puesto permanentemente. En cuanto su asuntonan di negoshi, e abogado di Britney ta bisa cu e no kier pa Jamie ta e unico cu ta dirigi su patrimonio, cual ya ta administrando exclusivamente desde aña 2019 ora su co-conservador a retira.

Sin embargo, ta bisa cu Britney ta prefera un “fiduciario corporativo cualifica” pa administra e asuntonan comercial di su patrimonio, pero loke ainda no ta cla den e documentonan ta si e ta di acuerdo pa mantene Jamie manera su co-conservator. Fuentenan cu conocemento di e situacion ta bisa TMZ cu nan a yega di tin combersacionnan tocante e adicion di un fiduciario corporativo, loke segun a informa, probablemente lo ta un banco, pero cu den e combersacionnan a inclui Jamie manera e co-conservator di e propiedad. E redaccion di team di Britney den e documentonan no ta laga cla si ainda e ta permiti den e acuerdo of no.

E mediconan tambe ta bisa loke a bisa nan aña pasa, Britney ya no kier mira accion mas den e momento aki manera e residencia na Las Vegas. E abogado ta bisa cu mester di un revision importante den e forma cu ta administra su conservatorship pa refleha su estilo di bida actual y su deseonan. Tambe e abogado di Britney ta buscando informacion tocante e asuntonan aki di tur esnan involucra den su conservatorship. Tin un audiencia tocante e asunto diaranson.