Benny Sevinger, Richard y Marlon Sneek kier cuestiona Minister Presidente di Aruba?
Parlamentario Endy Croes a tuma nota con 3 miembro di AVP Benny “Avestruz” Sevinger, Richard “Horizon Consultancy” Arends y Marlon “Blacklabel” Sneek a cuestiona Prome Minister di Aruba despues di e Openbare Bijeenkomst cu a tuma luga den Parlamento di Aruba diahuebs ultimo.
AVP no a duna ningun punto di bista ni alternativa:
Diahuebs ultimo a tuma luga den sala di Parlamento di Aruba un Openbare Bijeenkomst unda prome Minister di Aruba Evelyn Wever Croes a bin duna un splicacion riba e negociacionnan cu Hulanda. Manera cu e reunion a inicia Minister Presidente a dunando un splicacion amplio unda nos ta para actualmente y a pidi Parlamento pa duna nan sentimento pero alaves bin cu alternativa dado caso locual ta riba mesa actualmente no ta aceptabel. Durante e reunion aki di parti oposicion entre otro Richard Arends y Marlon Sneek a hiba palabra masha cortico mes pero Benny Sevinger no tabata ni den sala na ningun momento y no a hiba palabra ni aporta cu ningun alternativa. AVP a critica manera custumber pero ningun momento a bin cu un of mas alternativa. Fraccion di MEP al contrario si a presenta un lista cu alternativa y a pidi Minister Presidente pa continua cu e negociacionnan. Frapante pa mira anochi despues di e reunion AVP hunto cu 24 ora.com arma un show dilanti entrada di Parlamento pa asina critica Minister Presidente sin ningun base pero tambe sin ningun contribucion. The Three Stooges na palabra!
Three Stooges of 3 Ladron?:
Benny “Avestruz” Sevinger, Richard “Horizon Consultancy” Arends y Marlon “ Blacklabel” Sneek ta esnan cu a sinta critica papiando disparate sin ta domina e materia. E (3) miembronan di Parlamento aki representando AVP tin algun caracteristica comun. Nan ta conoci como Three Stooges of como tres Ladron? Benny “Avestruz” Sevinger ta sospechoso cu 5 encargo contra su persona den e corupcion mas grandi di siglo den nos historia. A mal usa su poder pa faborece amigonan cu bentanan di tereno y patrimonio di pueblo. Aunke Ministerio Publico ta tardando demasiado e confiansa ta keda cu pronto Benny lo wordo lanta den un marduga y hiba pa un otro luga pa e por sosega su cadaver y cuminsa duna cuenta y paga pa tur su presunto delitonan. Richard Arends kende a strica 4 miyon di pueblo como consehero di Mike Eman usando su propio compania Horizon Consultancy den un construccion pa logra saca placa legal for di pueblo. Alaves Richard a conseha Utilities pa otro 500 mil florin y tambe a conseha RDA pa otro 500 mil florin. Ta un consehero di oro? Tin un investigacion forensico den RDA ta biniendo cla. Keda pendiente! Gana hopi placa facil sin a traha pe. Finalmente Marlon Sneek conoci como ladron di whisky Blacklabel y Jeans tambe tin storia berdadero riba su nomber. Pues por papia di (3) ladron di pais Aruba y esaki ta locual nan tin comun? Ta cu ki cara net e (3) miembronan di AVP aki kendenan tin tur sorto di mancha riba nan nomber tin e pudor di trece mentiranan flagrante den pueblo acusando Aruba su Prome Minister Integro Evelyn Wever Croes? E palabra “Integridad” ta corta AVP su politiconan te den nan slagader. Tristo pa mira politiconan “kima”, sin vision, sin un rumbo, sin un futuro keda practica e politica anticua. Aruba berdaderamente merece miho. Schoenmaker blijf bij je leest!
