Presidente Venezolano Nicolas Maduro ta rechasa peticion di oposicion pa haci un eleccion mas trempan, mientras cu actualmente e situacion politico di e pais ta birando mas fragil. Gobierno y oposicion no a logra yega na un acuerdo. 150 studiante a protesta contra Maduro den e ciudad di San Cristobal anto a enfrenta problema cu polis diahuebs merdia. E yamado pa Nicolas Maduro retira ta birando mas fuerte mientras cu Venezuela su crisis economico ta birando pio.
Un coalicion di oposicion ta bisa cu nan meta ta pa cuminsa cu charla entrante 11 di November y haci un peticion pa tin eleccion otro aña prome cu e termino di Maduro completa. Presidente Maduro ta insisti cu: ”No tin ultimatum. Ningun hende por haci un peticion pa un ultimatum. Tur cos ta bini na su tempo.”
Fuente: BBC
