Tin dos candidato pa minister di Plenipotenciario nobo: Juan David Yrausquin y Cedrick Tilma.
Esaki prome minister Mike Eman a bisa nos partner den noticia, Ret Karibense. E noticia cu e ex minister di Financia Juan David Yrausquin ta den bista atrobe, a sorprende hopi hende. Sr. Yrausquin a kita for di su posicion como minister na 2014 despues cu e prome minister Mike Eman a termina su welga di hamber pa motibo di e conflicto cu Hulanda riba e presupuesto cu a keda sin firma di gobernador.
Sr. Yrausquin tabata sostene e welga di hamber pero no tabata mucho contento ora prome minister a termina esaki y a yega na un acuerdo cu Hulanda unda entre otro a palabra cu Aruba lo cay bou CAft.
El a tuma su retiro y tambe bandona e partido AVP. Pues ta remarcabel awor cu e ta un di e candidatonan awor y asina por drenta bek den e gabinete Mike Eman.
E otro candidato ta Cedrick Tilma, un hurista cu ta representa Aruba na Union Europeo for di Brussels.
Sosten
Den e entrevista cu Ret Karibense prome minister Eman ta bisa cu awor mester mira cua candidato lo haya mas sosten den Conseho di Minister y fraccion di partido AVP. Actualmente e posicion di minister di Plenipotenciario ta bashi. Gabinete Eman a retira Alfonso Boekhoudt entrante 1 di november for di e posicion momento cu nan a tende cu el a keda nombra como proximo gobernador di Aruba.
