E medio di comunicacion Amigoe ta informa cu nan tambe a bira victima di un atake cibernetico.
Den e ultimo simannan companianan y instancianan riba nos isla a enfrenta problemanan grave y menos grave pa motibo di diferente atake cibernetico. Manera Bon Dia Aruba a publica, WEB su sistema tabata un victima y tambe a avisa publico riba esaki. Otro companianan a dicidi di keda keto sea informa solamente nan clientenan. Hospital y tambe polis a experencia atakenan. Setar tambe aunke cu oficialmente e compania di telecom ta nenga esaki. Sinembargo Bon Dia Aruba tin un fuente cu a confirma esaki.
Amigoe ta informa cu for di diferente e-mail adresnan di e compania un e-mail a wordo manda bou titulo ‘Payment (Outstanding)’. E compania ta bisa cu esaki ta un virus sea ‘malware’ y nan ta conseha tur persona cu a ricibi e e-mail aki, pa delete esaki di biaha. Y siguramente no habri e attachment.
