E helicopter cu a cay, cual a conduci na morto di dos militar conduciendo ey, ta den peliger di zink. E helicopter NH90 ta drief den lama, pero e no por sigui asina y e ministerio di Defensa mester recuper’e pronto, pa asina no perde e chens pa investiga dicon e helicopter a cay. Asina director di operacionnan di e ministerio a bisa.
E helicopter ta drief den un parti di lama cu ta bay 3 kilometer diep. Si e zink, e investigacion pa haya sa kico a causa e helicopter cay no lo bay ta posibel. 2 di e 4 miembronan di tripulacion a fayece pa via di e caida. Despues cu e helicopter a cay, e ministerio a logra haya esaki den lama mas o menos 15 kilometer leu di costanan di Aruba.
Defensie ta purbando pa mantene e helicopter – cual ta pisa 8 mil kilo – ta drief cu un tipo di ballon. Esakinan ta habri automaticamente ora e toca awa. Te ainda no a logra recupera e vehiculo pa via cu biento ta hopi fuerte den e area, y e olanan ta fuerte. Botonan di rubber no por acerca e NH90.
E rason dicon mester haci investigacion, di parti di Inspectie Defensie, ta cu no ta conoci e rason dicon e helicopter arma a cay. E crash a tuma luga diadomingo merdia durante patruya hunto cu e Zr. Ms. Groningen, riba cual e NH90 tabata staciona. A mira e accidente for di e nave.
E 2 sobrevivientenan a papia over di e accident, pero e director di operacion a bisa cu e no ta na altura di kico nan a bisa te ainda.
