Gigi Hadid a revela su barica pa prome biaha, tres luna despues cu a confirma su embaraso.
E modelo, kende ta sperando su prome yiu cu su pareha Zayn Malik, a haci un transmision en bibo riba Instagram pa su 55 miyon di siguido diahuebs anochi.
Mientras e tabata contesta pregunta di su fanatico, hopi di nan a suplik’e pa mustra su barica creciendo, y felizmente el a complace nan.
Gigi, di 35 aña di edad, a bira na banda y a mustra su stoma sunu bou di su camisa berde, bisando: “Ata mi barica, tur hende.” E mama na estado a duna un gesto di paz mientras el a hari. “E t’ey”, el a agrega.
Gigi a anuncia na april cu e tabatin ‘algun luna’ di embaraso. Pero e tabata sconde su barica te awo. Apenas algun dia pasa, Gigi a aparece den potret cu su famia na e cunucu di su mama Yolanda. Su famia a post potret di nan, pero a sconde barica di Gigi cu un emoji. Gigi a scoge di no anuncia su embaraso te cu e tabata mas avansa.
Recientemente el a bisa cu el a logra sconde su barica cu algun triki di e camara. Den un contesta na un fanatico durante un chat en bibo riba Instagram cu Sophie Rose, el a bisa: “E angulo aki y e paña los ta haci un ilusion optico. Di banda ta full un otro storia!”
