Centro di gobernacion Fort Amsterdam (Fòrti) henter e siman aki ta den dialogo cu pueblo di Corsou. Asina ministerio di Asuntonan General y prome minister Eugene Rhuggenaath a anuncia.
“Nos kier duna informacion concreto y completo riba e situacion actual den nos pais, e retonan cu nos ta enfrenta cune, loke nos tin cu mehora y e posibilidadnan pa futuro.” Fort Amsterdam lo ta habri tur dia te diabierna 17 di juli y tambe lo haci sesionnan live riba radio y riba television.
Durante e splicacionnan riba medionan, mandatarionan, ambtenaarnan y profesionalnan lo bay wordo entrevista, durante cual lo bay splica temanan diverso relata na e situacion actual na Corsou. Antayera anochi a presenta un programa yama Fòrti Habrí, unda hobennan por a presenta nan preocupacionnan na e ministernan y pa drenta den combersacion cu nan.
Awe lo tin otro presentacion live riba TeleCuraçao, unda pueblo lo por haci preguntanan live na e ministernan.
