Eguerrillero Colombiano,Jhon Fredy Cortés Buriticá, alias “Culebrito” y su mano derecho Gustavo Aníbal Giraldo, alias “Pablito” y un di e lidernan principal di Ehercito di Liberacion Nacional (ELN), a muri den un operacion militar ehecuta na departamento di Norte di Santander (frontera cu Venezuela).
Asina a informa e presidente Colombiano,Ivan Duque, ken diasabra ultimo a sigura cu e guerrillero a muri den “un operacion contundente contra mafia, terorismo y delito”. “A fayece alias ‘Dumar’ of alias ‘Culebrito’, man derecho di alias ‘Pablito’, lider militar di ELN y comandante di e frente Efrain Pabon Pabon cu tambe ta encarga di e frente Domigo Lain Saenz”, e mandatario a sigura.
Segun Duque a splica, Cortes Buritica “tabata autor di secuestronan, di actonan terorista y a asesina lidernan social” tambe a participa den e plannan y ehecucion di e atentado contra scol di cadete di Polis di Bogota, cu januari ultimo a laga 22 morto y 66 persona herida.
Aunke te ainda no ta conoce e detayenan di e operativo, e hefe di Estado a afirma cu “esaki tabata un operacion contundente contra mafia, terorismo y delito, y nos heroenan yen di fe ta duna Colombia un biaha mas un demostracion di cumplimento di e Constitucion y ley ora ta trata di enfrenta cualkier manifestacion di criminalidad.”
Segun e ministerio di Defensa, e guerrillero fayecido tabata aparece como un di e personanan mas busca na departamento di Arauca, frontera cu Venezuela, cu a wordo presenta pa e hefe di e cartera, Carlos Holmes Trujillo, na januari ultimo.
